سنو آئے وقت کے یزیدو، بتاؤ کہاں ہے تمہارا یزید کلام: فاروق شہزاد ملکانی

 

سنو آئے وقت کے یزیدو، بتاؤ کہاں ہے تمہارا یزید

کلام: فاروق شہزاد ملکانی

 

سنو آئے وقت کے یزیدو، بتاؤ کہاں ہے تمہارا یزید

حسین آج بھی زندہ باد ہے مگر مر گیا ہے تمہارا یزید

 

اسلام  بھی   سربلند  ہے،  شہداء کربلا  بھی  سربلند

اذانیں آج بھی گونج رہی ہیں، خاک ہو گیا ہے تمہارا یزید

 

 

۔۔۔۔۔۔۔۔

 

شہید ہو کے بھی حسین نے لشکر یزید کے چھکے چھڑا دیئے

بی بی زینب نے  دربار یزید   میں اس کے پسینے چھڑا دیئے

 

سینکڑوں  زخم کھا   کر بھی  حوصلے  نہ  ٹوٹے  اہلِ وفا  کے

حسین نے نیزے پہ قرآن سنا کر دشمن کے دل دہلا دیئے

 

۔۔۔۔۔۔۔۔۔۔۔۔۔۔

 

دشمن حسین کے اپنے تھے، دشمن ہر حسین کے اپنے آج بھی ہیں

حسین سرفراز  کل بھی  تھا، سرفراز  حسین  کے سپنے آج بھی ہیں

 

دشمن  کا  منہ  کالا  کل بھی  تھا، روسیہ  ہر  دشمن  آج  بھی ہے

حسینی لشکر زندہ کل بھی تھا، زندہ باد حسین کے اپنے آج بھی ہیں

 

۔۔۔۔۔۔۔۔۔۔۔۔۔

 

تم قتل بھی کرتے ہو اور مقتول بھی بنتے ہو

زندگی لے بھی لیتے ہو اور مظلوم بھی بنتے ہو

 

حسین نے دار پہ چڑھ کے کر دیا اسلام سر بلند

تم تیر بھی  چلاتے  ہو  اور معصوم بھی  بنتے  ہو

 

۔۔۔۔۔۔۔۔۔۔

 

داستان کربلاء

 

خون سے جو لکھی گئی وہ داستاں ہے کربلا

صبر کی، شجاعت کی، جاں فشاں ہے کربلا

 

بے سروسامانی میں حق کی جو صدا گونجی

بحر ظلمت میں روشنی کی اک صدا گونجی

 

پیاس کا عالم، آگ سا تپتا ہوا ریت کا صحرا

پھر بھی  رضاء الٰہی  کو،  نہیں   کوئی  شکوہ

 

اک طرف افواج یزید، تخت و تاج کا غرور

اک طرف نواسۂ رسولؐ، سچ کا پرنور ظہور

 

علیؑ    کا   بیٹا،   زہرا   کا    نورِ نظر

نبویؐ      کردار    کا    کامل   مظہر

 

عباسؑ کی وفا، اک سمندر کی طرح

سقّا  نہ  بن  سکا،  پر  رہا وفا کی طرح

 

قاسمؑ کے چہرے پہ نکاح کی مسکان

کربلا کے بیچ میں چھپ گیا ہر ارمان

 

علی اکبرؑ  جوانی  کا  سرور  لے کر چلے

حسینؑ کے حکم پر، اجل سے گلے ملے

 

ننھے اصغرؑ کی پیاس بھی  صبر  کی  دلیل بنی

اک تِیر آیا اور ماں کی گود ویرانِ جلیل بنی

 

شامِ غم میں زینبؑ کی ہمت  پہ  قربان

قیدی بنی،  پر  بن  گئی  پیغامِ  حق  اذان

 

کربلا  فقط  خنجر  و  نیزے   سے   جنگ  کا   نام  نہیں

یہ تو درس ہے کہ ظلم کے آگے سر نہ جھکانا حرام نہیں

 

جو بھی ہو حسینؑ ابن علی کا، وہ باطل سے ڈرتا نہیں

حق کا پرچم اُٹھا کے، کبھی غیر کے آگے جھکتا نہیں

 

۔۔۔۔۔۔۔۔۔

 

سلام بر امام حسینؑ و شہدائے کربلا

 

سلام   اس  پر  جو   پیاسا   تھا   مگر   جھکا  نہیں

سلام اس پر جس نے گردن کٹا دی مگر بکا نہیں

 

 

سلام ہے عباسؑ پر،  جو  وفا  کا  آخری  باب ہے

سلام ہے اصغرؑ پہ، جو صبر کی بے صدا کتاب ہے

 

سلام  ہے  زینبؑ  پر،  جو  قیدی  ہو کر بھی سر بلند رہی

سلام ہے قاسمؑ پر، جس کی شہادت بھی خوشبو مند رہی

 

سلام  ہے  اُس  خیمے  پر، جہاں  شبیرؑ  نے سجدہ کیا

سلام ہے اُس خاک پر، جہاں نواسہءرسول تنہا تھا

 

سلام  ہر  اُس اشک پر  جو غمِ حسینؑ میں بہا

سلام اُس دل پر جو کربلا سے کبھی جدا نہ ہوا

 

سلام  اے شہزادۂ علیؑ، سلام اے وارثِ نبیؐ

سلام تجھ پہ یا حسینؑ، تیری عظمت رہے ابدی

یہ بھی پڑھیں:

نہ مٹا ہے نہ مٹے گا یہ پاکستان سنو۔۔۔ کلام ۔ فاروق شہزاد ملکانی

لکھی  سچائی  تو  کانٹوں  پہ  چلنا  پڑا  مجھے۔۔ ۔ اردو غزل: فاروق شہزاد ملکانی